ВЕРБАС – Здруженє подобових уметнїкох Вербасу (УЛУВ), и Филмска редакция Биоскопу „Югославия” Културного Центру Вербас розписали Новорочни подобови конкурс з назву „Швета нам сцигую”, пише портал Општини Вербас.
На конкурс з нагоди шветох мож послац порученє през рисунок лєбо колаж, як Новорочну винчованку, лєбо Новорочну плакату. Найуспишнєйши буду наградзени, а вибрани роботи буду поставени на Новорочней вистави.
Роботи мож посилац найпознєйше по 16. децембер, на адреси: Културни центер, Филмска редакция, Маршала Тита 73, Вербас, лєбо на Здруженє подобових уметнїкох Вербасу, Маршала Тита 87, Вербас. Роботи посилац з меном, презвиском, возростом, школу, местом и е-адресу школи и подобового педаґоґа.