ШИД – Всоботу отримана традицийна привредно-туристична манифестация „Шидска колбасияда” хтору отворел покраїнски секретар за польопривреду, лєсарство и водопривреду Чедомир Божич.
На манифестациї було коло 60 штанди зоз колбасами, месовима продуктами, палєнку, вином, колачами и ремеселнїцкима продуктами.
Штанди мали и 15 здруженя женох, медзи хторима и Здруженє женох „Маря“ зоз Шиду, „Бикичанки“ з Бикичу, „Жридло“ з Беркасова и други.
Отримане презентованє обробку односно фаластованє закланей швинї, а у продукциї швижей колбаси змагали ше 20 екипи, дзе победзела екипа „Цекин“ зоз Нишу.
Отримане и змаганє у сухих такволаних ферментованих колбасох и за найлєпшого продукователя преглашена фамелия Лемаїч зоз Шиду.
