Отримана 30. схадзка Скупштини општини Вербас

автор тах фото vrbas.net
856 Опатрене

БЕРБАС – Штварток, 6. октобра, отримана 30. Схадзка Скупштини Општини Вербас, на хторей одборнїки прилапели вецей одлуки, а на початку схадзки потвердзени мандати троїм новим одборнїком.

Як пише службени портал локалней самоуправи, пресидатель Општини Вербас Милан Ґлушац поднєсол звит о реализациї општинского буджету за перши тогорочни 6 мешаци, и тота точка виволала найвецей розправи. Ґлушац визначел же ше, и попри чежкого финансийного стану, Општини поспишує функционовац, а порушує ше и нови проєкти зоз средствох з других жридлох. Опозицийни СДС твердзел же би з лєпшим прерозподзельованьом пенєжу и уводзеньом шпорованя на правих местох могло обезпечиц средства за важни видвойованя, як цо то помоц польопривредним ґаздинством и подобне.

У предлуженю схадзки єдногласно прилапена Стратеґия безпечносци транспорту на драгох општини Вербас од 2016. по 2012. рок, з Акцийним планом, як и вецей одлуки, медзи хторима Одлука о защити польопривредней жеми, зашатих поверхносцох и засадох, польских драгох и беґельох од польскей чкоди, Одлука о способе утвердзованя назвох улїцох и площох и означованя населєних местох, улїцох и площох на териториї општини Вербас и други.

З векшину гласох вименєни и допольнєти одлуки о даваню дїловного простору до закупу, о доприносох за будовательну жем, о социялней защити, правох на финансийну потримовку фамелийом з дзецми и други.

На схадзки Радомир Чурович меновани за нового директора ЯКП „Комуналац”, а за нового директора ЯП за превоз путнїкох „Вербас” меновани Чедо Субашич.

6-SO-02

ПОВЯЗАНИ ТЕКСТИ