Отримани „Медзинародни днї енерґетики и инвестицийох”

автор сен
766 Опатрене

НОВИ САД – На Новосадским сайме 28. и 29. октобра отримана манифестация „Медзинародни днї енерґетики и инвестицийох”, хтору орґанизовалу Покраїнски секретарият за енерґетику и минерални сировини, Централноевропски форум за розвой и Новосадски саям.

На отвераню манифестациї покраїнски секретар за енерґетику и минерални сировини Ненад Станкович гварел же того року обєдинєни теми законскей реґулативи, унапредзеня знаня локалних самоуправох же би мали лєпши приступ европским фондом. На Манифестациї було слова и о потенциялох биоенерґиї, енерґиї слунка, води и витру и нових моделох финансованя.

Вчера, други дзень манифестациї, подписани контракти зоз шейсцома войводянскима општинами хтори достали вєдно 22 милиони динари за реконструкцию явного ошвиценя. Подписани и контракти з власнїками 14 польопривредних ґаздовствох за набавку пумпох за наводньованє, хтори буду робиц на електричну соларну енерґию.

ПОВЯЗАНИ ТЕКСТИ