ШИД – У штвартим колє Општинскей фодбалскей лиґи Шид фодбалере були розположени давац ґоли, та на шейсц змаганьох посцигнути аж 43 ґоли.
ОФК Бикич дома победзел беркасовски Сримец аж зоз 13:1, ОФК Бачинци на госцованю у Соту победзели Братство зоз 7:1, а шидска Єднота на госоцованю у Люби победзела Єдинство з 2:0.
На таблїчки ОФК Бикич перши з 10 бодами, кельо маю и ОФК Бачинци на трецим месце. Єднота на шестим месце ма седем боди, а Сримец остатнї, 12., без бодох.
У пиятим колє, на нєдзелю 20. септембра, ОФК Бикич бави у Бинґули процив ОФК Бинґули, ОФК Бачинци дочекує Єдинство з Люби, Сримец дома бавиц процив Братства зоз Соту, а Єднота дочекує Гайдук з Вишнїчева.