О положеню особох з инвалидитетом на тарґовищу роботи

автор сен
929 Опатрене

НОВИ САД – На ютре, 13. фебруара, будзе отримана промоция виглєдовацкого звиту з назву „(Нє)обезпечованє роботи особом з инвалидитетом“, хторе окончене 2014. року у рамикох виглєдованя о положеню особох з инвалидитетом у восточней и юговосточней Европи. Резултати виглєдованя указую же число занятих особох з инвалидитетом у подприємствох ище вше спод законского минимуму, а у Войводини ше воно аж и зменшує.

На презентациї ше будзе бешедовац о тим як актуални субвенциї уплївую на обезпечованє роботи за особи з инвалидитетом, о нєпорозуменьох медзи роботодавательом и занятим з инвалидитетом, та о положеню тей катеґориї на тарґовищу роботи.

По Законє о професийней регабилитациї и обезпечованю роботи за особи з инвалидитетом, роботодаватель котри ма вецей як 20 занятих обовязни мац и одредзене число особох з инвалидитетом, та так на до 49 занятих муши мац єдну особу з инвалидитетом, а на кажди 50 заняти особи, число особох з инвалидитетом треба же би було векше за єдну.

Презентацию орґанизує Ресурсни центер за особи з инвалидитетом Екуменскей гуманитарней орґанизациї Нового Саду, а будзе отримана у централним будинку Универзитету у Новим Садзе на 12 годзин.

ПОВЯЗАНИ ТЕКСТИ