Перспектива у помаганю другим

автор маф
1.2k Опатрене

Преславу ше з часовима розликами, отримало источашнє на вецей точкох швета, а централна шветова була у Манили на Филипинох. Зоз Манилу прейґ видео-вязи, хтора тирвала 2,5 годзини, були источашнє повязани шицки, та и учашнїки преслави у Сербиї, хторих Филипинци и окреме привитали, и шицки вєдно провадзели програму.

Преслава за Сербию отримана у Орому у привреднїка Вайда Берду, а на нєй були присутни коло 100 особи, представителє 23 подприємствох уключених до ЕЗ, члени ЕЗ котри уж пензионовани, госци зоз Мадярскей, як и млади з вецей местох котри заинтересовани за тот проєкт. Медзи нїма було и власнїкох фирмох Руснацох и младих з Руского Керестура, Коцура и Кули.

У програми з нагоди тей значней рочнїци, здогадло ше на початки Економиї заєднїцтва хтора настала як визия єдней жени – Кяри Лубик, кед 29. мая пред 25 роками пребувала у нащиви Бразилу. Там ю барз потрафел вельки контраст хтори видзела у Сао Паолу: високи будинки з базенами окружени з барз худобнима квартами. Єй надихнуце жиє и нєшка, а за 25 роки є витворене през стотки и стотки подприємства хтори часц свойого приходу даваю до заєднїцтва, з чим помагаю особом у потреби так же креирую роботни места, понукаю стипендиї за школованє младих, инвестую итд.

Презентована, потим, и ретроспектива ЕЗ у Сербиї, як и єй перспективи, хтори провадзени зоз конкретнима искуствами сербских привреднїкох. Представени и наиходзаци Семинар ЕЗ за младих хтори ше пририхтує, а почнє у октобру того року, же би у фазох, през викенди кажди три мешаци, бул реализовани по октобер 2017. року.

ПОВЯЗАНИ ТЕКСТИ