НОВИ САД – Город Нови Сад обявел Явну поволанку женом чийо подприємство, лєбо роботня ма шедзиско у Новим Садзе, а котри жадаю ходзиц на обуку з обласци поднїмательства. У рамикох обуки ше будзе робиц о темох вязаних за поднїмательство, финансиї и рахунководство, маркетинґ, менаджмент и дїловну орґанизацию, та о управяню з людскима ресурсами.
Обука будзе орґанизована же би ше женом поднїмательом помогло и потримало их у змоцньованю капацитетох за роботу. Ґу тому, Город жада звекшац число подприємствох хторим власнїки жени, односно мотивовац жени же би ше упущели до поднїмательства.
Приявиц ше мож по 27. юлий, а вимоги треба придац до Городскей управи за привреду, на адреси Руменацка 110а, у канцелариї число 10. Вецей информациї мож опатриц на линку https://j.mp/ns-zene-preduzetnice