Покраїна додзелєла сертификати за роботну праксу

автор сен
836 Опатрене

НОВИ САД – Студентом котри у 2014/2015. року окончовали роботну праксу у Скупштини и Влади АП Войводини, у покраїнских орґанох управи и фондох, та дирекцийох и заводох чий снователь АПВ, вчера шветочно додзелєни сертификати.

Предсидатель Скупштини АПВ Иштван Пастор повинчовал студентом успишно окончену праксу, а помоцнїк покраїнского секретара за науку и технолоґийни розвой Ґоран Стоянович наглашел же з таких програмох шицки маю хасну, понеже млади здобуду капацитет и искуство за будуци роботи. Вон додал же дотераз 30 одсто студентох достали роботу праве на месце дзе окончовали праксу.

Универзитетска програма роботней пракси у покраїнских орґанох управи ше витворює од академского 2003/2004. року. Ношитель Програми Универзитет у Новим Садзе, а на основи Спорозуменя о сотруднїцтве зоз Скупштину и Владу АПВ. Дотераз роботну праксу окончели 474-еро студенти.

ПОВЯЗАНИ ТЕКСТИ