КОЦУР – Вчера у коцурскей грекокатолїцкей церкви Успения пресвятей Богородици почала друга фаза гидроизолованя церковного будинку, на часци дзе олатар.
Роботи окончує подприємство „ГИО-протекшн систем” Миряни Оберкнежев з Нового Саду, а средства за предлужованє роботох – 600 000 динари, обезпечело Министерство правди, односно Канцелария за вири и вирски заєднїци.
Виводзаче обецую же главна часц роботи, подрезованє влаги, будзе закончена за дзешец днї, же би церква була порихтана за Першу причасц, хтора ма буц 14. юния.
Потим ше предлужи з обиваньом мурох и другима провадзацима роботами на гидроизолованю церкви.
