Почала Општинска смотра театралней творчосци

автор зам
1.1k Опатрене

СИВЕЦ – У Сивцу прешлого викенду почала 70. Општинска смотра театралней творчосци „Велимир Сандич Велько” и будзе отримана у дньох двох викендох.

За розлику од скорейших рокох, того року ше на Општинскей смотри змагаю лєм штири представи, а оценьовац их будзе селектор Давид Кецман зоз Зомбора.

Општинску смотру пияток, 18. марца, отворели домашнї зоз сивецкого Дому култури з представу „Дзивка з трома оцами”, Брани Црнчевича, у режиї Максима Мудринича, а всоботу наступели аматере з Дому култури Червинка, з представу „Чудо у Шарґанє” Любомира Симовича, у режиї Радоя Чупича.

На соботу, 26. марца, на Општинскей смотри наступя аматере Драмского студия „АРТ” рускокерестурского Дому култури, з младежску представу „Сезона лову на ловара” Олександра Витера, у режиї Владимира Надя Ачима, а Смотру на нєдзелю, 27. марца завру аматере з Културного центру Кула, з представу „Подозрива особа” Бранислава Нушича, у режиї Драґана Остоїча.

ПОВЯЗАНИ ТЕКСТИ