ШИД – Од нєшка, 11. септембра, та по 19. октобер, у Шидзе будзе отримани други по шоре Драмски фестивал „Заходзенє до театру” („Свратиште у позориште”), на хторим участвую театри зоз Сербиї, Горватскей, Босни и Герцеґовини, Македониї и Словениї.
Фестивал гуманитарного характеру, та добродзечни прилоги буду унапрямени за помоц худобним и гендикепованим дзецом, а отримує ше го под мотом „Шерцо ше пише з велькима буквами”.
Представи буду викендами у велькей сали Културно-образовного центру, а по потреби, камерни и у Лєтнєй владическей резиденциї (у Руским дворе).
Орґанизаторе Фестивалу Културно-образовни центер Шид, у сотруднїцтве зоз Здруженьом за потримовку родичом „Отворене шерцо”, Општинску орґанизацию Червеного крижу и Грекокатолїцку парохию у Шидзе.