Преглашени резултати локалних виберанкох

автор влдї
1.4k Опатрене

ШИД/БАЧИНЦИ/БЕРКАСОВО/БИКИЧ – На основи службеного сообщеня з Општинскей виберанковей комисиї, у шидскей општини на локалних виберанкох внєдзелю гласали 17 352 гласаче з 30 876 уписаних до виберацкого списку, а найвецей гласи достала лїстина „Александар Вучич-Сербия победзує” (СНС) – 8 470 и 23 мандати у Скупштини општини Шид.

Коалиция ДС-ЛСВ-СДС-Желєна еколоґийна партия-Желєни-ЛДП „Час за шорових людзох” достала 2 350 гласи и шейсц мандати, Сербска радикална странка (СРС) достала 2 114 гласи и пейц мандати, а Социялистична партия-Єдинствена Сербия (СПС-ЄС) 1 799 гласи и тиж пейц мандати.

У Бачинцох з 1 060 уписаних до виберацкого списку гласали 510, а найвецей гласи достала лїстина „Александар Вучич-Сербия победзує” – 293, СРС достала 61, СПС-ЄС 42, „Час за шорових людзох” 49, Двери-СС 14, СНП-22 и „Динара-Дрина-Дунай” 29 гласи.

У Беркасове до виберацкого списку були уписани 1 002 гласаче, а гласали 567. Лїстина СНС достала 332 гласи, СРС 65, СПС-ЄС 52, „Час за шорових людзох” 57, Двери-ДСС 14, СНП 20 и „Динара-Дрина-Дунай” 15 гласи.

У Бикичу до виберацкого списку були уписани 226 гласаче, а гласали 142 и ту лїстина СНС достала 66 гласи, СРС 8, СПС-ЄС 4, „Час за шорових людзох” 32, СНП-7, „Динара-Дрина-Дунай” 25 гласи, а Двери-ДСС нє достали анї єден глас.

ПОВЯЗАНИ ТЕКСТИ