Прейґ явних роботох анґажовани 566 нєзаняти

автор зам
932 Опатрене

ЗОМБОР/КУЛА – У Заходнобачким округу, зоз шедзиском у Зомборе, прейґ явних роботох анґажовани 566 нєзаняти, а на основи пейц явних поволанкох на републичним, покраїнским и локалним уровню. У кулскей општини так заняти 67 особи, преноши портал „Наше место”.

Нєзанятих прейґ явних роботох у цалим Заходнобачким округу анґажовали 98 виводзаче роботох, а роботи вредни 56,5 милиони динари. Ґу тому, на явних роботох анґажовани и 60 особи з инвалидитетом, хтори на три мешаци, кельо тирваю шицки явни роботи, робя у 13 виводзачох.

Одобрени проєкти за явни роботи у Округу ше найвецей одноша на ушорйованє желєних поверхносцох, дзецинских и других просторох за бавенє, школских дворох, алє ту и проєкти з обласци помоци и защити социялно загроженим особом, за вирабянє народного облєчива и ушорйованє клубох.

Кулска општина явни роботи софинансує зоз 5,4 милиони динари, односно 8 проєкти, прейґ хторих на явних роботох у местох општини робя 67 особи.

ПОВЯЗАНИ ТЕКСТИ