СИВЕЦ – Од 15. октобра по 20. новембер тирва приявйованє учашнїкох на тогорочни 32. Фестивал акустичарскей музики у Сивцу – ФАМУС, сообщел орґанизатор Дом култури Сивец.
Тогорочни ФАМУС будзе отримани 25. и 26. новембра (главни змагательни фестивалски вечар) у сивецким Доме култури, а приявиц ше можу солисти и ґрупи на е-адресу domkulture.sivac@gmail.com, лєбо по звичайней пошти на адресу: Дом култури Сивец, Маршала Тита 195, 25223 Сивец, з назначеньом – „Приява за ФАМУС”. Попри основних податкох о виводзачох, потребне послац и текст шпиванки и и єй тонски запис. Вецей информациї о приявйованю и програми мож достац на числа тел.: (025)711-055 и 061/146-6-56.
За перши три побиднїцки места предвидзени вредни награди, а перши раз за освоєне перше место будзе додзелєна пенєжна награда. Ґу тому, Специялна награда будзе директни пласман на „Младежски фестивал” у Суботици.
Орґанизатор наявює же у жирию, односно медзи учашнїками буду и познати мена з музичней сцени, як цо то Рамбо Амадеус, Люба Нинкович, Ґабор Лендєл и Серґей Трифунович.