МОСКВА – На Медзинародним сайме поживи, напою и поживових продуктох „Продекспо 2015“, хтори ше у главним городзе Русиї отримує од 9. по 13. фебруар, свойо продукти викладаю и 39 фирми зоз Сербиї, з хторих 10 з Войводини.
На штанду з Привредну комору Сербиї у Москви викладаю и войводянски привреднїки, з котрих штири маю знак „Найлєпше з Войводини“ – „Промонт груп“ и „Репро трейд“ з Нового Саду, „Мини пани“ зоз Суботици и Винария Ковачевич з Ириґу.
Циль участвованя на тим сайме здобуванє нових контактох у Русиї и сушедних жемох, та можлївосцохи за пласованє продуктох на иножемни тарґовища, поручене з Покраїнского секретарияту за привреду, обезпечованє роботи и ровноправносц полох, хтори орґанизовал одход войводянских привреднїкох на Саям.
Медзинародни саям „Продекспо“ найвекша така рочна манифестация у Русиї и восточней Европи, а того року є по 22. по шоре.