КУЛА – Пре унапредзенє безпечносци защити дзецох и школярох, у ПУ „Бамби” з Кули, у шицких єй 25 предшколских ґрупох дзецох у 11 дзецинских заградкох у местох општини у септембру и октобру будзе витворени проєкт „Полицай и я – товарише од дзецинскей заградки”. Проєкт будзе витворени и у Оддзелєнє „Цицибан” у Руским Керестуре, а орґанизує го Полицийна управа Зомбор, з потримовку МУП Републики Сербиї и Мисиї ОЄБС у Сербиї.
Циль проєкту же би ше през едукацию предшколцох о безпечносней превенциї и култури витворело зачаток будуцей добрей комуникациї з полицию, а спрам возросту дзецох. Полицийни службенїки дзецом представя ризики и гроженя їх безпечносци, превенцию, поняце самозащити и полицийней професиї. Циль и розвиванє довирия до полициї.
Источашнє, по 5. октобер того року будзе тирвац и подобови конкурс з тему безпечносци у транспорту, на хторим буду вибрани по три подобово роботи з каждей воспитней ґрупи, за хтори предвидзени и пригодни награди.