РУСКИ КЕРЕСТУР – Внєдзелю, 15. новембра, рукометашки и рукометаше керестурского Русину одбавели остатнї змаганю у єшеньскей часци першенства у своїх лиґох. Рукометашки страцели, а рукометаше бавели нєришено.
Женска рукометна екипа Русину на домашнїм терену страцела з 9:23 од ЖК Кленак з Кленку. Найвецей ґоли на тим змаганю за Русин посцигла Сабина Планчак – 5. Рукометашки Русину на предостатнїм, 5. месце у Трецей рукометней лиґи Сербиї – Срим-Южна Бачка.
Хлопска екипа Русину на госцованю у Зомборе одбавела нєришено 26:26 з екипу Зомборелектро. Найвецей ґоли, по 7, дали Салак и Папуґа.
Рукометаше єшенску часц у Бачкей рукометней лиґи закончели на 6. месце з 8 бодами, а першопласовани Войпут ма 11 боди.