РУСКИ КЕРЕСТУР – Музичар Сашо Палєнкаш з Керестура концом януара обявел свой треци соло албум, з назву „Метрополис”.
На нїм єст 13 композициї на руским, сербским и анґлийским язику, од хторих векшином Сашово авторски, а даскельо обробени народни шпиванки.
За три композициї з албуму направени и видео-споти, хтори пред тим як вишол компакт-диск обявени на интернету.
Албум годно купиц у Кнїжкарнї „Линеа” у Руским Керестуре, а доступни є и на сайту sasapaljenkas.bandcamp.com/album/metropolis
За пейц роки, кельо твори як солиста, Палєнкаш видал три албуми, а найновши албум у находзацим периодзе будзе промововац у Керестуре и у других местох.