НОВИ САД – На Позарядовей скупштини Спортского союзу Войводини (ССВ) за нового предсидателя вибрани Бора Сибинкич з Нового Саду, актуални предсидатель Каякашского союзу Войводини, пренєсол вчера портал 021.
Сибинкич до нового Управного одбору предложел нових дзевец членох ССВ, а медзи нїма до Управного одбору вибрани и атлетичар Михаил Дудаш. За ґенералного секретара ССВ знова меновани Младен Стойшин.
Бора Сибинкич добитнїк Националного спортского припознаня Влади Сербиї, понеже як член штирочленей кайакашскей екипи освоєл два златни и два стриберни медалї на шветових и европских першенствох у чаше од 2006. по 2008. рок.
Позарядова виберанкова скупштина отримана понеже пред тим зменєни бувши предсидатель ССВ Дарко Парежанин.