ЖАБЕЛЬ – На локалних веберанкох у жабельскей општини гласали 12 700 гласаче, цо 57,15 дсто з уписаних до виберацкого списку, сообщене з Општинскей виберанковей комисиї.
За 31 одборнїка у Скупштини општини Жабель змагали ше кандидати з дзешец лїстинох, а цензус прешли шейсц, так же у локланим парламенту Лїстина Сербскей напредней странки „Александар Вучич-Сербия победзує” будзе мац 13 одборнїкох, лїстина Ґрупи гражданох „Чедомир Божич-Наша општина Жабель” 9, а лїстина „Лиґа социялдемократох Войводини-Ненад Чанак” 3 одборнїкох.
По 2 одборнїки места достали лїстини „Ивица Дачич-Социялистична партия Сербиї (СПС)”, „Ґрупа гражданох Гражданска инициятива” и „Др Воїслав Шешель-Сербска радикална странка”.