НОВИ САД – Цени жита и кукурици прешлого тижня були на уровню ценох яки були на початку жатви, цо значи же ше виєдначели з ценовнима минимумами за тоту сезону, сообщела Продуктна берза.
У тижню обток роби бул 600 тони, цо за 2,44 одсто менєй як тидзень пред тим. Финансийна вредносц обтоку 11,08 милиони динари, односно 14,02 одсто менєй у одношеню на тидзень пред тим.
Цена жита спадла на 19,58 динари за килу (з ПДВ), цо найнїзша цена тогорочного роду ище од конца авґуста, док кукурица предавана за 17,38 динари з ПДВ. Вивоз практично стої, а ситуация иста и на домашнїм тарґовищу.
Пре паданє ценох двох найзначнєйши културох спадла и индексна вредносц, яка нє зазначена за остатнї два мешаци. Реґистровани 203,64 поени, цо за 2,08 менєй як тидзень пред тим.