РУСКИ КЕРЕСТУР – На Маковским шоре (Фрушкогорска улїца) при Замку з роботу започал Центер св. Йосафати, хтори основали шестри Служебнїци СНДМ з Руского Керестура. То духовни центер у хторим ше орґанизую стретнуца за виронаучних школярох.
Вироучителька ш. Авґустина Илюк зоз школярами отримує друженя и креативни роботнї кажди вовторок и штварток на 14 годзин и нєдзелями после Дзецинскей Служби Божей.
Того пиятку, 3. юлия на 14 годзин, школяре ше пред Святима Тайнами буду модлїц за застановйованє пандемиї корона вирусу. Зоз школярами и ш. Авґустину на заєднїцкей молитви будзе и парох Михайло Малацко.