НОВИ САД – Покраїнски омбудсман Анико Мушкиня Гайнрих поволала компетнетних же би ше цо скорей прилапело вименки Закона о безплатней правней помоци, хтори предвидзую безплатну правну помоц вибеженцом, вигнатим и розселєним, особом котри поглєдую азил, дзецом, ментално нєдосц розвитим, лєбо хорим особом, особом котрим потребна правна защита од фамелийного насилства, тортури и тарґовини з людзми.
Запровадзованє системи безплатней правней помоци то єдна з обовязкох Сербиї у процесу приключованя ґу Европскей униї, а окреме у рамикох прегваряцких поглавйох 23 и 24, наводзи Омбудсман у сообщню.
У Войводини дотераз лєм у 28 з 45 општинох орґанизоване безплатне обезпечованє правней помоци.