НОВИ САД – По краткей и чежкей хороти, у 61. року умарла Ирина Колошняї, народзена Балїнт, длугорочни лектор Програми на руским язику Радио Нового Саду.
Народзена є 1955. року у Руским Керестуре. Основну школу закончела у Кули, ґимназию у Руским Керестуре, а дипломовала на Катедри за руски язик и литературу Филозофского факултета у Новим Садзе.
У Радио Новим Садзе Ирина Иня Колошняї почала робиц гонорарно, єден час робела и у Рускей редакциї Телевизиї Нови Сад, же би найвекшу часц роботного вику препровадзела у Рускей редакциї Радия, дзе була занята од 1979. року.
Ирина Колошняї будзе похована нєшка на 10 годзин у Руским Керестуре.