Уходнїца за Шенґен будзе пейц еври

автор бета/сен фото:вкпд
876 Опатрене

БРИСЕЛ/СЕРБИЯ – Пре змоцньованє безпечносци и векшу контролу хто уходзи до державох Европскей униї, Европска комисия предложела запровадзованє европскей системи за дошлєбодзованє путованя, по хторей би гражданє державох хтори нє у ЕУ, а у безвизним су режиму, мали плациц „уходнїцу” – пейц еври.

Система ЕУ за информованє и дошлєбодзенє за путованє (ЕТИАС) будзе зазберовац податки о шицких котри без визох путую до ЕУ, цо допринєше ефикаснєйшому управяню з вонкашнїма гранїцами ЕУ, унапредзеню нукашнєй безпечносци и пошвидшаню леґалних путованьох у шенґенскей зони.

Кед нє постоя елементи хтори указую же потребни детальнєйши преверйованя, он-лайн дозвола за путованє до Шенґену ше будзе видавац автоматски и то дасекльо минути по виполньованю вимоги, потолковали з Европскей комисиї. За виполньованє вимоги од документох потребни лєм пасош.

Дозвола будзе важиц пейц роки, а буду ю плациц шицки полнолїтни гражданє.

ПОВЯЗАНИ ТЕКСТИ