НОВИ САД – Основна и штредня школа з домом школярох „Петро Кузмяк” з Руского Керестура того року участвовал у широкей акциї у Сербиї и швеце „Годзина за нашу планету”, хтора отримана всоботу, 19. марца, и од 20,30 до 21,30 годзин виключела шветла коло Школи.
У спомнутим чаше у нашей жеми шветла були виключени у 85 городох и општинох, а у Новим Садзе акция означена з перформансом на Площи шлєбоди, дзе запалєни швички символично були поскладани як число 60+, з чим указане на климатски проблеми у штредку у хторим жиєме.
Шветови фонд за природу WWF виявел же того року у акциї єдногодзинового гашеня електричного ошвиценя за ратунок планети Жеми участвовали вецей як 7 000 городи на шицких континентох.