РУСКИ КЕРЕСТУР – Вчера, на нєзаповедане швето Лурдескей Мариї, у єй пошвеценей каплїци шестрох Служебнїцох на Капущаним шоре у Руским Керестуре, преславени Кирбай. Источашнє означени и Шветови дзень хорих, хтори у Католїцкей Церкви запровадзени од 1992. року.
У каплїца вчера служени штири Служби Божо, Молебени до Богородици и модлєни Ружанєц – пацерки. Попри велького числа шестрох Служебнїцох и вирних з Керестура, на службох були и вирни з Кули, Вербасу, Коцура.
Служби Божо служели и вирних споведали троме домашнї священїки – парох о. Михайло Малацко и капеланє о. Владимир Медєши и о. Иґор Вовк, як и кулски парох и капелан о. Виталий Лотоцки ЧСВВ и о. Платон Салак ЧСВВ.
На пополадньових Службох госци були и двоме казательнїки римокатолїцкого обряду – патер Златко Жувела, кармелитян зоз Зомбора и фра Зденко Ґрубер, францизкан зоз Суботици.
