РУСКИ КЕРЕСТУР – Перша Подобова колония „Руски Керестур 2019.” будзе отримана нєшка опрез Спортскей гали у улїци Бориса Кидрича 60, на котру приявени тринацецеро подобово уметнїки, векшином з Керестура, и маляре аматере, алє и академски уметнїки и школяре.
Подобову колонию ше отрима дзекуюци Рускей матки, по проєкту за финансованє и софинансованє програмох и проєктох у обласци туризму Општини Кула за 2019. рок, а у безпоштредней орґанизациї Месного одбору РМ у Руским Керестуре.
Сход учашнїкох Колониї у просторийох Рускей матки на истей адреси на 8 годзин, роботна часц будзе тирвац по 13 годзин, а за роботу подобовим творительом обезпечени арт платна и акрилни фарби. Од 13 до 18 годзин за учашнїкох предвидзени полудзенок и друженє.
Вистава малюнкох зоз Подобовей колониї будзе отримана у Рускей матки у децембру того року.