РУСКИ КЕРЕСТУР – Порядна схадзка Националного совиту (НС) Руснацох, штварта по шоре, будзе отримана нєшка на 18 годзин у просторийох Дома култури Руски Керестур.
На схадзки ше будзе розпатрац Финансийни звит и закончуюци рахунок Националного совиту Руснацох за 2018. рок, а на обсяжним дньовим шоре и даванє согласносци на финансийни звити и плани роботи установох чий снователь НС Руснацох, як и потвердзованє одлукох Вивершного одбору.