НОВИ САД – У штерацецпиятим числу новинох „Руске слово” у рубрики „Тижньовнїк” дати звит зоз схадзки Роботного цела за спорт Националного совиту Руснацох и УО Заводу за културу войводянских Руснацох.
На „Наших местох” заступени теми о епидемийней ситуациї, ту и вистки о актуалним ушорйованю Руского Керестура и Водици, о виробку Плану розвою општини Вербас и о анґажованю ґеронтоґаздиньох у општини Шид.
О концу паприґарскей сезони у керестурским хотаре и о тогорочней заградкарскей продукциї, у розгварки зоз Дюром Штефанком з Коцура, пише у рубрики „Економия”.
„Култура и просвита” у тим чишлє наявює Културну манифестацию Костельникова єшень, дава звит зоз округлого столу о значеню Ґимназиї за локалну заєднїцу, як и други актуалносци зоз керестурскей Школи.
У рубрики „Людзе, роки, живот” понукнута розгварка зоз координаторку Здруженя родичох Матица Биляну Ґрбович, а ту и напис о преслави 50 рокох малженства Ганчи и Венямина Бульчикових зоз Шиду.
„Духовни живот” пише о тим як преславени кирбаї у Суботици, Бачинцох, Новим Орахове и римокатолїцкей церкви у Коцуре.
„Спорт” зазначел стретнуце коцурских и керестурских фодбалерох ветеранох, ту и резултати зоз Мемориялного турниру у шаху у Коцуре, як и прегляд фодбалскей панорами у лиґох у котрих ше змагаю нашо клуби.
Додаток у тим числу „Дикица”, а у рубрики „Горуци тепши” понукаме нови рецепти.