НОВИ САД – У тогорочним штерацец трецим чишлє новинох „Руске слово” рубрика „Тижньовнїк” зазначела подписованє контрактох о стипендийох дзецом у руских оддзелєньох у Коцуре, а ту и напис о сертификату о енерґетскей ефикасносци хтори достала Канцелария за енерґетски менаджмент у Вербаше.
О порциї на церковни маєток, на тот завод у Шидзе, о означеним Дню ошлєбодзеня местох у жабельскей општини, схадзки Совиту Месней заєднїци Руски Керестур и о других актуалних темох пише на бокох рубрики „Нашо места”.
Окрем о єшеньских роботох у хотарох по наших местох, „Економия” у тим чишлє пише и о продукциї кромпльох у Коцуре.
„Култура и просвита” анализує визуални випатрунок наших фестивалох, а ту и текст о прешлотижньовей премиєри представи „Вона нєвиновата” РНТ „Петро Ризнич Дядя”. На тих бокох и звит зоз Шветочней скупштини КПД „Карпати”, з манифестациї „Поетски нїтки Меланиї Павлович” и других подїйох у култури.
„Мозаїк” пише о новосадскей музичней орґанизациї „Drop Sensei”, рубрика „Духовни живот” о Каритасовей гуманитарней акциї у Беркасове и кирбайох у вецей наших парохийох, а „Людзе, роки, живот” представяю приватного поднїмателя Миколу Папуґу з Вербасу.
„Спорт” зазначел резултати наших фодбалских клубох у їх змагательних лиґох, а ту и текст о керестурских каратистох котри були успишни на змаганю у Оджаку. Як додаток вишло „Литературне слово”.