У новим „Руским слове”

автор ядю
1k Опатрене

НОВИ САД – У штерацец трецим тогорочним чишлє новинох „Руске слово” рубрика „Тижньовнїк”, медзи иншим, пише о пририхтованьох за преславу националного швета Руснацох у януаре 2017. року у Бикичу.

На бокох „Наших местох” зазначени програми з нагоди Дня ошлєбодзеня у Другей шветовей войни, ту и анализа отримованя коминох по наших местох, док  „Економия” пише о инвестицийох у польопривреди у Руским Керестуре.

„Култура и просвита” дава звит з госцованя Хору „Гармония” у Словацкей, а понука и розгварку з Кристину Афич з Руского Керестура, котра на тогорочним Фестивалє рускей култури „Червена ружа” освоєла награду за найкрасши дзивоцки глас.

Рубрика „Людзе, роки, живот” читачом представя Даницу Гирйоватий зоз Шиду, а „Духовни живот” зазначел отримованє Семинару „Дотхнуце надїї” у Анґлиї, на хторим участвовали и нашо вирни.

Окрем резултатох у вецей змаганьох екипох з наших местох, рубрика „Спорт” пише и о „Чукияди” у Руским Керестуре, а у тим чишлє новинох єст два додатки – „Литературне слово” и „Руске слово у швеце”.

ПОВЯЗАНИ ТЕКСТИ