НОВИ САД – У штерацец шестим тогорочним чишлє новинох „Тижньовнїк” информує о снованю Пододбору за демоґрафию НС Руснацох, як и о пририхтованю за жиму у прилапююцих центрох за миґрантох у Шидзе.
„Нашо места” зазначели означованє Дня парламентаризму у керестурскей Школи и процес леґализациї нєзаконїто збудованих обєктох у Руским Керестуре и Новим Садзе.
Розгварку з Керестурцом Миколом Винайом о условийох и тарґовищу за продукцию паприґи мож пречитац на бокох „Економиї”, док „Култура и просвита” пише о Подобовей колониї „Няради” у Малим Идьошу, а наявює и Културну манифестацию „Костельникова єшень”.
Рубрика „Людзе, роки, живот” читачох упознава з тортарку Марию Балоґ з Дюрдьова, „Духовни живот” звекшого пише о преслави 10-рочнїци роботи керестурского Каритасу, а ту и актуалносци з коцурскей парохиї.
На бокох „Спорту”, медзи иншим, и текст о ФК „Петровци”, хтори того року означує 70-рочнїцу роботи, а у тим чишлє додаток „Дом и фамелия”, у хторей и нова „Женоблоґия”.