НОВИ САД – З нагоди отвераня новей, ювилейней 20. театралней сезони Драмского студия Руского културного центру (РКЦ), а у рамикох преслави 70-рочнїци снованя РКЦ у Новим Садзе, на пияток, 7. октобра, у РКЦ будзе мултимедиялни перформанс з назву „Я Русин єсм, бул и booom!!!(бууум)”.
Перформанс ше, у режиї Звонимира Павловича, будзе одвивац у штирох сеґментох, односно просторох, хтори обдумую сами уметнїки-учашнїки – академски маляр Боґданка Сопка, дизайнер, видео-арт уметнїк и фотоґраф Ненад Илич и музична ґрупа „Pap Music Quartet”, а на програми будзе и розгварка з тему „Место и судьба алтернативи у нєшкайшей урбаней (р)ускей култури”.
На концу будзе видео-проєкция представи „Скравец”, у режиї Звонима Павловича, а у продукциї дакедишнєй Новосадскей сцени РНТ „Дядя”.
Перформанс почне на 20 годзин.