НОВИ САД – На Площи шлєбоди до ютра, 20. септембра, тирва Фестивал меду, на хторим нащивителє можу опатриц виставу продуктох пчолох, опреми за пчоларство, ручни роботи, а орґанизована и културно-забавна програма.
З нагоди отвераня Фестивалу предсидатель Пчоларского дружтва „Йован Живанович“ Мишо Чупич гварел же за остатнї пейц роки вивоз меду звекшани штири раз и додал же реґистрованє лїпового меду, як продукту ґеоґрафского походзеня, вельки крочай за пчоларство.
Баґремов мед мож купиц за коло 900 динари, лїпов и мишани за 700, а мишанїни з прополисом, млєчним поленом, та мишанїну 14 лїковитих рошлїнох за 700 динари.