ШИД – З нагоди Дня женох, вчера у Лєтнєй владическей резиденциї у Шидзе отримане поетске стретнуце, на хторим твори поетох Владимира Бесерминя, Ани Рац, Меланиї Павлович, Мариї Горняк Скубан, Ганчи Папандришко, Меланиї Пап, Анґели Прокоп и Валентини Чизмар гуторели Евґения Данчо, Нада Гарвильчак и Владимир Дїтко.
З тей нагоди орґанизована и вистава каждодньових предметох у обисцу, збогацених з рижнима мотивами у технїки декупаж, авторки Ясмини Латас. Латасова женом представела спомнуту технїку, а можлїве же у доглядним чаше о тим отрима и окремну роботню.
Програму з нагоди Дян женох орґанизовали Старши шестри (жени задлужени за украшованє церкви) парохиї Преображеня Господнього, у чийо мено присутних привитала Евґения Данчо и Церковни одбор.
