ШИД – Општинска рада Шид розписала другу явну поволанку за софинансованє проєктох у обласци явного информованя. За тоту намену тераз опредзелєни 2 милиони 100 000 динари, як наведзене у поволанки – виключно за софинансованє електронских медийох.
Поволанка отворена осем днї од дня обявйованя, а як гварела руководителька Оддзелєня за дружтвени дїялносци Општинскей управи Снежана Бунич, други круг розписани прето же остало средства за тоту намену.
Вяри була росписана перша поволанка за софинансованє медийох, за 6,4 милиони динари, з хторих два милиони за електронски медиї, а 4,4 милиони за друковани медиї, и у цалосци су розподзелєни.