У Школи отримана симулация схадзки паламенту

автор маф
917 Опатрене

РУСКИ КЕРЕСТУР – Матуранти Штреднєй школи „Петро Кузмяк” вчера участвовали у роботнї симулациї схадзки Народней скупштини Републики Сербиї, а представели ше им и тройо народни посланїки – Иґор Бечич зоз СНС, Иван Костич зоз „Двери”, обидвоме з Вербасу, и Олена Папуґа з ЛСВ з Руского Керестура.

2-Skola-02

Симулация отримана у рамикох означованя Тижня парламентаризму (од 7. по 13. новембер), хтори запровадзує Служба Народней скупштини – ґрупа за едукованє и презентованє скупштинского скарбу, у сотруднїцтве з нєвладову орґанизацию „Црта”.

На початку присутни народни посланїки школяром представели свойо политичне анґажованє и вецей сеґменти функционованя парламентарного живота, а посланїца Папуґова зоз школярами участвовала и у роботнї-симулациї схадзки Народней скупштини, на хторей приказане приношенє єдного закона.

2-Skola-03

За тоту роботню керестурска Школа того року вибрана дзекуюци и закладаню Папуґовей, котра визначела же ше, попри презентованя парламентарного живота школяром, на тот способ афирмує и нашу Школу и Руснацох.

На роботнї присуствовала и директорка Школи Хелена Пашо Павлович зоз сотруднїками.

 2-Skola-04

ПОВЯЗАНИ ТЕКСТИ