НОВИ САД – У найновшим Телевизийним маґазину будзе емитовани звит зоз преподаваня за младих на тему Жени у Святим писме”, а з нагоди означованя Медзинародного дня женох, як и звит зоз 15. порядней схадзки Вивершного одбору Националного совиту Руснацох.
Пририхтани и прилог зоз Сайму кнїжкох на котрим свойо виданя представели Завод за културу войводянских Руснацох и Новинско-видавательна установа “Руске слово”.
У емисиї будзе представене и реализованє документарного филма „Алтернатива Рутеника” котри у процесу виробку, а у котрим годно дознац на яким уровню алтернативна уметносц Руснацох у нас и у швеце.
У емисиї будзе и прилог о тим як ше правя метлїново метли.