НОВИ САД – Предсидатель Покраїнскей влади Боян Пайтич и подпредсидатель Влади и покраїнски секретар за образованє, предписаня, управу и национални меншини-заєднїци Михаль Нїлаш винчую Крачун шицким гражданом котри го славя по григориянским календаре.
– Спомедзи шицких вельких шветох, Крачун нас найбаржей здогадує на найзначнєйши вредносци у нашим живоце – на вредносц живота у мире, та живота у медзисобним розуменю и почитованю. Най вам наиходзаци днї принєшу єдинство и щесце и най така атмосфера означи и крачунски швета, як и днї после нїх – поручел Пайтич у винчованки.
Винчуюци Крачун, подпредсидатель Покраїнскей влади Михаль Нїлаш пожадал най у периодзе найрадоснєйшого християнского швета любов, вира, надїя и толеранция превладую у шерцох шицких людзох.
– Тиж так, шицким вирнїком и священству котри швето народзеня Спасителя славя 25. децембра, жадам же би Вилїю и Крачун препровадзели зоз своїма найблїзшима, у мире и здравю. Най вам находзаци швета принєшу радосц, особне и фамелийне щесце – поручел Нїлаш.