Шветови дзень здравя пошвецени диябетесу

автор танюґ/сен
1.4k Опатрене

ШВЕТ/СЕРБИЯ – Под покровительством Шветовей здравственей орґанизациї, 7. април ше означує як Шветови дзень здравя. Понеже того року парола означованя того дня „Победз диябетес”, ширцом Сербиї нєшка буду отримани рижни явни роботнї и преподаваня о контроли цукру з капки креви, контроли кревового прициску и рахованю индексу тїлесней маси.

Резултати „Виглєдованя здравя жительства Сербиї” указали же за остатнї 10 роки число особох з дияґностификованим диябетесом поросло за скоро 50 одсто, так же тераз у нашей держави урядово 470 000 особи маю тоту хороту.

Пре вше векше число тлустих особох, остатнї роки диябетес типу 2 постал часта хорота и при младших особох. У Сербиї од диябетесу типу 1 рочнє охоря коло 157 дзивчата и хлапци до 14 роки, а на основи тих податкох заключене же зме у ґрупи жемох умереного ризику од охорйованя од диябетесу типу 1.

З помоцу кампанї „Победз диябетес” ше жада информовац, едуковац ширшу популацию, а насампредз формовац правилни становиска, справованє и звикнуца правилного костираня.

ПОВЯЗАНИ ТЕКСТИ