ОДЖАК/РУСКИ КЕРЕСТУР – Млади каратисти керестурского Русину освоєли шейсц медалї на Карате-турниру „Златна песц Оджаку”, отриманим всоботу, 24. октобра.
Змаганє у Оджаку орґанизовал домашнї Карате-клуб „Младосц”, участвовали коло 25 клуби з коло 180 змагателями, а керестурски клуб представяли осмеро млади каратисти у катеґорийох „когуцикох”, „пионирох” и „надїйох”, и шицки ше змагали у борбох.
Перши места освоєли Ґлориян Штранґар у катеґориї „когуцикох”, Андрей Дудаш у „пионирох” и Марина Надь у „надїйох”. Други места освоєли Теодор Няради у „пионирох” и Мартина Рац у „надїйох”, а Сара Планчак освоєла треце место у катеґориї „надїйох”.
Русин освоєл и перше место у змаганю екипох у катеґориї „надїйох”, а екипу творели Анамария Няради, Сара Планчак, Мартина Рац и Марина Надь.
Попри спомнутих, на змаганю у Оджаку участвовала и Анастазия Фаркаш.