Ютре почнє розберанє закрица

автор код
761 Опатрене

СРИМСКА МИТРОВИЦА – Роботи на обнови грекокатолїцкей церкви Вознесеня Господнього у Сримскей Митровици иду як плановане, та нєшка будзе закончени проєкт статики закрица, же би ютре почало розберанє закрица. Шицок будовательни материял порихтани и поскладани у дворе парохиї.

Порихтани прейг 10 000 фалати билого черепу, хтори достати як дарунок од подприємства „Потисє” з Канїжи, а докупени ище специяни файти черепу, як цо то за шнїг, цо коштало коло 80 000 динари. Шицки роботи на оправяню церковного закрица окончує БП „Зека“ з Дивошу, власнїка Предрага Тешановича.

По словох пароха о. Владислава Варгу, людзе добрей дзеки каждодньово приходза, опатраю роботи и даваю добредзечни прилоги, так же до тераз свойо прилоги дали 86 фамелиї. Добредзечне зазберованє пенежу тирва и далєй.

Служби Божо ше поряднє отримує у церкви, понеже ше нука нє окончує роботи.

ПОВЯЗАНИ ТЕКСТИ