СЕРБИЯ – Од октобра 2014. по май 2015. року Сербия вивезла 2,5 милиони тони кукурици, а тото количество рошнє, та ше обчекує же до конца септембра вивежеме 3 милиони тони кукурици, гварел за Танюґ директор здруженя „Жита Сербиї“ Вукосав Сакович.
Вон гварел же пре прешлорочни рекордни род кукурици могло буц бриґи на тарґовищу, алє дзекуюци вивожнїком котри зоз сербскей кукурици направели бренд и приведли найзначнєйши компаниї до Сербиї, витворени рекордни вивоз.
– То вшелїяк помогло насампредз польопривредним продуковательом, прето же ришело проблеми лаґерованя кукурици под час ламачки, а цену отримовало на максимално можлївим уровню – гварел Сакович.