КОЦУР – Вчера у коцурским Каритасу отримани тренинґ за волонтерох котри буду участвовац у проєкту Каритасу Сербиї, у сотруднїцтве з коцурским Каритасом, з назву „Зменшанє ризику од природних катастрофох”.
Обучени 10 волонтере котри буду анкетовац Коцурцох о їх думаньох же цо найбаржей грожи у валалє, а могло би ше претвориц до природней нєпогоди.
Прейґ проєкту буду позберани информациї, зазначени и мапирани найзагроженши точки у валалє и коло валалу.
З Каритасу Сербиї тренинґ тримали координаторки Марина Сокич и Єлена Анкич, а спред Каритасу Апостолского еґзархату Елемир Джуджар.