ВЕРБАС – Швето Рождества Христового – Крачун, преславели и вирни у вербаских парохийох.
У Грекокатолїцкей церкви Покрова Пресвятей Богородици у Старим Вербаше на Вилїю було крачунске Всеночне. Красне число вирних з молитву и присуством на богослуженю возвелїчали значносц того швета.
На перши дзень Крачуна, 7. януара, парох старовербаски о. Алексий Гудак служел Вельку Службу Божу на котрей присуствовали числени парохиянє, а того дня було и мированє.
Найрадоснєйше християнске швето и у старовербаскей парохиї прикрашене зоз крачунскима богослуженями и традицийним шпиваньом колядох.