КУЛА – Националне швето рускей националней меншини – Дзень Руснацох, на дзень швета, вчера 17. януара зоз шветочну пригодну програму означени у кулским РКПД „Др Гавриїл Костельник” у Кули.
У просторийох Дружтва присутних госцох и членох привитала предсидателька у задзекованю Амалия Ковач, а швето повинчовал спред Националного совиту Руснацох член Желько Ковач.
Означованє швета почало зоз интонованьом гимни Републики Сербиї „Боже правде” и шветочней шпиванки Руснацох у Сербиї „Браца Русини”. Програма почала з кратким историйским огляднуцом на терашнї стан Руснацох хтори пречитала Еуфемия Планкош.
Вец наступели наймладши члени рецитаторско-театралней секциї Дружтва, та Йован Бошкович рецитовал, а ґлумецка екипа виведла кратку драмску случку Деяна Лукича у режиї Надї Лендєр. На концу програми Мишана жридлова шпивацка ґрупа з провадзеньом на гармоники Еуфемиї Планкош виведла коляду и народну шпиванку.
На означованю швета з домашнїма присутни були и представителє локалней самоуправи Цвєта Мучалица, културних институцийох и дружтвох Страхиня Щекич и Молован Вукович, предсидатель Националного совиту Українцох Филип Пронек и наставнїца виборней настави руского язика Тамара Хома.
Друженє предлужене зоз закуску котру пририхтали домашнї.
