ШИД – И вчера, 31. януара отримани протестни сход и потримовка студентом, колона формована у центру городу на 18 годзин и рушела през главну Карадьорьову улїцу по Ґимназию „Сава Шуманович“.
Протестанти ношели транспаренти, пищали и дули до вувузелох, а потим ше позберали опрез будинка Ґимназиї.
Представнїки школярох наглашели же то нє политични сход, алє потримовка студентом як и їх намаганьом за правну державу у хторей институциї буду робиц єднак за каждого.
Тиж поручели же нєдостаточно пременїц людзох, алє цали систему без страху и жиц у шлєбоди, а пречитани и писма двох професорох.
На концу дата почесц з минуту цихосци, запалєни шветла на мобилних телефонох, присутни поволани же би, хто годзен, участвовали нєшка у Новим Садзе на блокади мостох, а потим ше протестанти орґанизовано у шейтаню врацели до центра городу.
