КРАҐУЄВАЦ – Студенти зоз шицких универзитетох у Сербиї, вчера вечар сцигли до Краґуєвцу.
Студенти хтори скоро цали тидзень ходзели пешо од Нового Саду и Беоґраду сцигли до Краґуєвцу после 21 годзин и закончели „Шумадийски марш” на Площи шлєбоди.
Краґуєвчанє шветочно дочекали и студентох хтори пешачели зоз Чачку, Ужица, Кралєва, Нового Пазару и Горнього Милановца и бициґлистох зоз Нового Саду и Беоґраду.
На концу сцигли и студенти хтори ше пешо рушели зоз Нишу.
Нєшка студенти у Краґуєвцу орґанизую 15-годзинови протест наволани „Стретнїме ше на Стритениє”.